Soñamos ... Infantil

Unha pequena reflexión para rematar o curso

Cando no mes de setembro nos plantexamos acadar o noso soño de levar adiante o proxecto “Sachar e cociñar todo é empezar” eu, como mestra de apoio en educación infantil, nin imaxinaba o resultado final.

Cada mes, cada trimestre, cada celebración sucedía aquelo que recolleramos no noso soño. As actividades na horta e no invernadoiro unidas á posta en marcha da aula de cociña foron o principio dun camiño que continuará o vindeiro curso.
Pero se hai que destacar algo é a participación das familias, entrando nas aulas, aportando ideas, preparando actividades, traballando codo a codo co profesorado ... Nós queriamos que sucedera así.

Soño acadado!